E “jediecht”
Me ligkt flotter in de kis
Als dat me 80 is.
Inne bekankde sjpróch deë duks weëd jezaat,
Wail ‘t leëve leuft laider waal ins angesj wie verwaad.
D’r inne jeet oad,
d’r angere nog tse jonk
Me woa fielach ram jezonk,
of al op d’r honk.
In jiddes jeval mos me ‘t leëve vieëre, en jeet me erropper,
losse vier ze hoade in ieëre.
Wail in ieëre hoade
dat is wat duks felt,
Doa mit och nog sjpieëder uvver diech weëd vertselt.
D’r Sjtelsman Hans,
d’r Ploume Nic,
D’r dialect va hun
woar manjefiek,
d’r Haseliers Frens,
d’r Vinkens Wiel,
Vuur hun woar ing “buut”
kingersjpiel
D’r Jeurts Theo,
D’r Wöltjens Thijs,
D’r politiek woa hun zie sjpel
‘T hin en weer je-tellewel.
Op d’r Maat, ‘t wiefje,
Of besser jezaat ‘T Crouse Net,
‘t kassa-sjoas noom
dat noch mit i jen bed,
D’r Jerarts Franzen,
d’r Ploume Frits,
Oane dun jinne vasteloavend,
Dat zou doch zieë…..
ieëwieg sjpiets.
En nog voal mieë
markante kirchoadsjer
die ziech hant jejoave,
en sjtraale mit inne laach eraaf
van doa boave.
Drum los hoade in ieëre,
In wat vuur ing jedanke da och,
Wail went ‘t bouw
tse sjpieë is…..
da zeët me fielach koalieg……
wit me nog
En went d’r angere
‘t nit mieë wit,
en mos joa dinke noa,
Da verjesse vier in jedanke,
De neudieje iconen va Kirchroa
(Foto via WikiKerkrade pagina)